‘Bidaia’

Bidaia, Alemania eta Euskal Herriko diziplina anitzeko 12 artista biltzen dituen ikuskizuna da. Musikari zor diogun maitasunak eraginda, 1500 kilometroko distantzia fisikoa behin ta berriz igaro dugu. Halaere, bidearen joan etorri honetan, testuek, ahots ezberdinek, eta gorputzen mugimenduek dramaturgia eszeniko zaindu eta fina eraiki dute. Jakinmina izan da gure motorra, pasioa gure gasolina eta abenturaren nahia, nabigatzeko gure era bakarra.

Bidaia edo Die Reise. Bizipenak, esperientziak, emozioak, hitzak, abestiak, begiradak, gorputzak, usainak eta paisaiak norberarenbarnean bizi den leku batetik partekatzeaz HITZ EGITEN DU.

Egungo Europaz eta hura zeharkatu eta inguratzen duten hamaika muga eta hesiez HITZ EGITEN DU.

Joan etorrian dabiltzan postalez HITZ EGITEN DU.

Musikaz HITZ EGITEN DU.

Artistak: Itziar Ituño, Marcus Englert, Dominik Englert, Jonas Schmid, Allos Quartet (Xabier Zeberio, Francisco Herrero, Lorena Nuñez, Alejandro Martínez, Iván Alzate), Dangiliske (Janire Egaña, Itziar Ituño)., Amaia Elizaran, Eneko Gil / Gorka Durán.

Konpainia: Hika teatroa.

Egilea: Marcus & Ursula Englert.