‘Kortxoaren dilema’

Antzerki joko dibertigarria; gatazka politikoak eta dilema moralak sakontasun zama handiaz jorratzen baditu ere, daukan egiturak komedia bihurtzen du eta ez drama. Izan ere, endredozko komedia da, non etengabe ateratzen ari diren untxiak txisteratik, eta ezer ez da ematen duena.

Ezkertiarra, polemikoa eta itzal handikoa den Etika eta Filosofia Politikoko katedradun irakasle jubilatu batek pronostiko gaiztoko minbizia dauka, baina sendatzeko aukera sortu da ezustean. Aberats ospetsu batek osasun sistema publikoari dohaintzan emandako erradioterapia ekipamendu batean tratamendua har dezake. Iritzi publikoak goraipatu egin du dohaintza. Bakan batzuk, ordea, gaitzetsi egin dute. Hauen ustez buru zuritze bat besterik ez da. Eta aberatsaren amarru horren salatzaileetako bat, nabarmenetakoa, irakaslea bera izan da. Orain erabaki latza hartu behar du: bere printzipioekiko leiala izan ala bizitza salbatu.

Konpainia: Tartean Teatroa

Egilea: Patxo Telleria

Zuzendaria: Mireia Gabilondo

Eszenografia diseinua: Fernando Bernués

Antzezleak: Patxo Telleria, Mikel Martinez

Soinu-diseinua: Adrian Garcia de los Ojos

Jantziak: Ana Turrilas

Argiztapena: David Rodriguez